聽聞6號廚藝零蛋，索性單刀直入問個究竟，他也答得坦然︰「我乜都識整㗎！揚州炒飯、Pizza、意粉都得，只要個微波爐無壞！」噢！原來擅長的只有「加工」叮叮食品。「我都鍾意白灼海鮮，煮個簡單意粉，仲發明了芝士焗杯麵！」
釀芝士蟹籽有創意
不過識食的6號還是甚有福氣，雖然零經驗，一向對滾油也敬而遠之，但富哥一句「要正視佢」，「哎吔」徒弟也要排除萬難面對。富哥自創的燕窩釀鳳翼，要把鮮雞翼拆骨、釀料、封口、醃味汆水又用熱油炸，6號就邊睇邊學。
成品的賣相和味道甚有水準，難怪富哥也大讚「娛樂界的後生仔腦袋轉得快，容易上手又有天分！」6號打算日後跟朋友 BBQ 時再顯身手，就以蟹籽、鹹蛋黃糯米和芝士釀雞翼，立刻得到富哥和議，更大讚他後生仔「有創意」。若 6 號開店，由他想出鬼馬 recipe，再由師傅出手烹調，大有可能殺出一條血路。
名人坊（電話：3650-0066）
（原文摘自《經濟日報》 文：梁彩 圖：Pow）
