鄒凱光說：「我仲試過食『noon 爐』，即是午飯時去食火鍋，感覺原來都正，人少嘛，好有包場感。如果在家中食火鍋，我實上微博搵李克勤教路買牛，佢都係牛肉精，有佢教路，就無失手。」
灘叔打邊爐無牛不歡，早幾年最瘋狂的時期，幾個朋友食自助火鍋，一口氣吃掉近廿碟肥牛，「連侍應都忍唔住話︰半隻牛都畀你哋食咗啦」。雖然近幾年他開始戒牛，但一埋位吃火鍋，就一定破戒。「打邊爐唔食牛點得？我哋每次打邊爐，每個人都是 6、7 片牛一大堆咁灼，然後就狂風掃落葉咁食完。我沒有深究肥牛的品種及部位，不過當中對較有咬口的本地肥牛情有獨鍾。」灘叔是東來居的常客，他喜歡店舖的牛肉夠鮮嫩，款式亦不太花巧，牛以外，自製的丸、餃類亦是他的心頭好。「這裏的丸全部都係手打，夠鮮味又彈牙。至於餃子就包成一口 size，餡料又夠創新，好似九層塔蚵仔餃、露筍帶子餃等，都是街外少見的款式。」
東來居
地址：灣仔謝斐道 303 號王子酒店 1 樓
電話：2244 3355
(原文摘自《U Magazine》文：Joey、圖：Chow、Flex、Kenneth、May Ching、Pow、Ray、Sky)
