原味雞負責人全哥 - 研發原味雞 7 年來，日日都試味。
全哥經營禽畜業逾 30 年，原本賣開鮮雞，但 97 年禽流感大規模爆發，就開始轉營冰鮮雞，因為每次政府大舉殺雞都損失慘重。不過，冰鮮雞味道始終不及鮮雞，經常被客人說雞有雪味，肉質又霉。於是， 7 年前開始，前後不惜花費了超過 3 千萬研發急凍技術，遠赴日本及德國拜訪多間海外大學教授，終於研究出雪藏雞亦可保鮮味的冷凍技術。
「以往急凍低溫會破壞雞肉的纖維組織，雞肉會變霉，而且滲入雪味。我地呢個新技術，將雞肉雪藏 45 分鐘至攝氏零下 50 度，都唔會破壞纖維組織，能夠鎖住肉汁，保留雞隻原來的鮮味。」他強調過程不會添加任何化學物料，最重要是即劏即冷藏，「我地在東莞自設雞場，雞隻劏好後在 10 分鐘內就會冷藏，因為雞隻死後，體內的乳酸就會爆發，破壞肉質，我花了足足 8 個月時間去找出乳酸爆發的部位，將之去除，爆發速度大大減低，加上即時冷凍，無論肉質及味道都保留了如鮮雞的最佳狀態。我地的原味雞亦經過專業檢測，證明無禽流感 H7N9、無沙門氏菌、無防腐劑、無金屬雜質等。」
這隻原味雞的另一特別之處時是毋需解凍，就可以直接烹調。「煮原味雞，千祈唔好先解凍，一解凍，雞集體內的乳酸又開始破壞肉質，最好係原隻未經解凍，沖一沖水，然後抹上鹽，加些薑蔥，隔水蒸約 45 分鐘就食得，最原汁原味。」
原味雞製作過程
1. 將雞隻劏好清洗。
2. 在 10 分鐘內將雞隻放入日本特製冷凍設備冷藏 45 分鐘至 -50℃。
3. 取出雞隻，再包裝運送。
原味雞以密封包裝，確保衛生，並經香港佳力高試驗中心有限公司檢測，無防腐劑、無有害物質、無禽流感 H7N9、無沙門氏菌等，可放心食用。
原味雞 $88/ 隻
選90-100 日大的三黃雞，重約 2 斤 4 両至 2 斤半，肥瘦適中，雞油豐富。 除了三黃雞，亦有清遠走地雞選擇，價錢一樣，雖比三黃雞較細及少油，但雞味更濃，肉質較煙韌有嚼感。
烹調方法
(1) 打開包裝取出未經解凍的原味雞，用清水輕輕沖洗。
(2) 抹上鹽，加入薑蔥。
(3) 隔水清蒸 40-45 分鐘即可。
試味報告
「阿鴻小吃」主理人黎偉鴻（鴻哥） - 入行超過 30 年，煮雞好拿手。
「原味雞蒸好後，賣相跟鮮雞無咩分別，雞皮鮮黃有光澤，而且好多雞油，聞落有陣陣鮮雞香，肉質有鮮雞鮮嫩的咬口，唔會霉。雞味都幾濃，最驚喜係竟然毫無雪味！水準唔錯，有 85 分以上，但價錢唔算平，勝在唔使解凍就可以煮，對一般家庭來講好方便。」
「原味雞」購買方法：
1. 可致電 3749 9179 或 Whatsapp 9169 8996 訂購，買滿 $80 即免費送貨 (指定港鐵沿線及離港鐵站不超過 10 分鐘步行距離的地點)， 或可於觀塘開源道自取，限現金付款。送貨時間: 10am-8pm
2. 可於分銷點購買，包括北角春秧街的和平優鮮店、荃灣的永明凍肉、香港仔街市的日昇食品等，價錢或有不同。
(原文摘自《U Magazine》文：Winsome、winnie、圖：Paul、Sky)
