荃灣荃新天地新開日式美食街「一門町市場」，當中有間和牛漢堡店「一輪 • 和牛漢堡專門店」新進駐荃灣一門町市場。餐廳主打席前即燒的北海道直送和牛漢堡，加上半融芝士，最平$88起，還可任食珍珠米飯！去荃灣一門町掃街時別錯過啦～
和牛漢堡套餐Menu：
同場加映：U Food【開箱速遞】最新影片！
一輪 和牛漢堡專門店位於荃灣荃新天地一門町市場，餐廳主打即叫即煎的和牛漢堡，套餐最平$88 好抵食！和牛漢堡套餐包兩份漢堡扒、半熟溫泉蛋、日式麵豉湯、沙律，還可任添珍珠米白飯，性價比高～
一輪 漢堡扒用上日本北海道十勝黑毛和牛及澳洲M4和牛，每份足足有100g！和牛漢堡扒共3款口味，分別是原味、芝士和香辣番茄汁。和牛漢堡厚身大份，面屠焦香微脆，肉汁豐富好juicy。
餐廳採用環繞餐桌設計，客人可欣賞師傅即席燒烤漢堡扒，漢堡即叫即煎後會放在客人面前的鐵板上保溫，食時夠晒熱辣辣。
推介芝士汁和牛漢堡，師傅即席淋滿芝士汁，再加上即磨芝士碎，芝士味相當濃厚，好邪惡！
香辣番茄汁和牛漢堡酸甜微辣，開胃惹味。秘製番茄辣汁不算太辣，番茄味較為突出，怕辣的朋友都可放心一試。
原味漢堡扒同樣值得一試，可品嚐到和牛的原汁原味，牛味濃郁好香口。
一輪 • 和牛漢堡專門店
地址：荃灣楊屋道18號荃新天地2地下一門町市場J36-38號舖
營業時間：11am - 10pm
電話：2811 8677
授權轉載：IG@ichirin_hikiniku @eatwithmoooo_ @ourfoodstephk_ @momo.sharing23
