走塑｜環保局｜縮沙｜DONKI盲盒壽司｜管制即棄餐具｜紙餐具｜首階段即棄塑膠餐具及其他塑膠產品的管制計劃，在前幾天已開始實行，各餐廳也開始配合推出各樣環保餐具。近日DONKI就推出了紙盒裝的壽司，除了引起市民討論外，還引起了環保署回應。
同場加映：【簡易廚房】最新影片
走塑政策首階段已經生效，近日超市DON DON DONK響應政策，推出了被人揶揄盲盒壽司的是紙盒裝壽司，惟盲盒壽司未能看到壽司實物賣相，亦會有飯粒黐底黐醬、豉油倒入紙盒後被「索汁」等情況，令不少市民大喊不便。
👇 DONKI 堂食壽司／熟食換上紙盒包裝：
👇 開箱DONKI紙盒壽司：
對於上述的盲盒壽司議題，環保局「大嘥鬼」亦作出回應，他指目前已向超市了解情況，又說明商店是擔心顧客買了外賣包裝的壽司之後即場食用，故用了非塑膠的盒同蓋，才變了盲盒。
環保局又解釋：「呢D情況，其實同一般銷售和外賣嘅情況一樣，所以超市仍然可以用膠盒和膠蓋嚟裝外賣壽司，咁當然，用透明盒都可以啦，客人仲可以清楚分辨食物質素同款式添。」、「最近好似有餐廳誤以為在新法例下用膠盒打包會違法😱！ 其實如果客人選擇將堂食食物打包，呢D係屬於外賣情況，食肆係可以提供膠杯和膠食物盒畀客人拎走㗎！」、「我哋會喺適應期探訪餐廳和零售處所，同佢哋講清楚以上種種做法」。
雖然環境局派了大嘥鬼出來「解畫」，傳遞出即使DONKI超市可供即場享用或帶走，都仍然可以用膠盒和膠蓋來裝外賣壽司，但卻有不少市民不買賬。
管制措施： |
即棄塑膠餐具： |
| 禁止在餐飲處所向堂食顧客提供 | 杯、杯蓋、食物容器、食物容器蓋 |
| 禁止在餐飲處所向堂食和外賣顧客提供 | 發泡膠餐具、飲管、攪拌棒、進食用具（叉刀匙）、碟 |
| 禁止銷售予最終消費者 |
管制措施即棄塑膠餐具禁用規管：
在環保局的即棄塑膠新法例條文中，售賣在超級市場內的廚房預先包裝食物（非在超級市場外的地方包裝），是不符合預先包裝飲食產品的豁免情況。換言之，DONKI的外賣壽司是屬於堂食或外賣的規管，若買了DONKI的外賣壽司即場食，是不可以用塑膠餐具（膠盒、膠蓋）的。
環保局走塑條例矛盾事件懶人包：
有不少網民認為，環境局是次解釋是自打嘴巴：「到底邊樣啱？」「解釋下？」、「龍門任擺」、「肉隨砧板上，我冇嘢講。」、「上次膠柄牙線棒係坊間對條例嘅誤會，今次壽司盲盒又係被Donki誤會，講到好似全香港都誤會你咁」、「佢哋自己都唔知自己想點」。
亦有網民認為條例混亂：「製造混亂，制度混亂」、「慘啦！又得又唔得，我更加唔明」、「事實就係你有你講， 業界繼續唔明， 難為了市民！」、「放過香港人啦」、「有問題先開始討論同溝通，即係實行前唔會諗定先？」、「好亂，可唔可以清楚啲，無所適從！」「唔係業界唔清楚法例，原來係政府自己都唔清楚法例」。
甚至有市民狠批環保局是「衰左」想「縮沙」：「點解唔一錯到底堅持壽司唔可以用膠盒？」、「唔好縮啦X」、「有骨氣d唔好縮呀呀鬼」、「唔好問啦，總之香港政府一定係啱啦，錯嘅只會係你地」、「唔走塑點知會唔會變軟對抗架，都係小心d好」。
近日環保議題一直吸引大家關注，除了綠色餐具外，垃圾徵費等亦引起大家熱議。但除了這些熱門議案外，在4月22日世界地球日，也就是第一階段走塑實施的當日，政府還在所有環保團體的反對中，通過了一份環評報告史上最差的（是30年來引致最大規模濕地破壞）、計劃填平248公頃（若等同13個維園）濕地去開發「新田科技園」的方案。除了關注餐具的環保議題外，大家不妨也留意身邊的環保政府，為綠色地球出一分力。
↓【限時搶⚡】位元堂凍乾水果脆套裝！↓
↓ 冷凍乾燥技術鎖住濃濃果香！/ 保留營養素及豐富膳食纖維！↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
