北角茶餐廳濫收八達通手續費$70以上收1.5% 八達通：違規有權取消該商戶資格

北角茶餐廳｜八達通｜手續費｜濫收｜收費｜投訴｜近日有網民在Facebook群組「全港店舖消息關注組 2.0 關注組」上分享，有一北角茶餐廳在店外標明，若用八達通付款要另加收手續費，引起網民熱議。

分享事件的網民附上照片，上面清楚可見餐廳玻璃上貼出的通告：「如需八達通支付要收手續費，少於$70元加收1元，多於$70元加收1.5%」。分享的事主留言：「今時今日咁嘅服務態度」。

↓點擊圖片放大↓

+8

+7

事件引起大家熱議，有人認為做法無不妥：「Ok喎！寫明咪得囉」、「明碼實價，OK吖」、「講到明有咩問題？即係你覺得八達通公司收charge，係應該老闆硬食嘅？」，但亦有人指：「違反八達通使用守則，八達通公司有權取消佢使用權，守則寫明商戶只可以收取商品實際價格」、「其實不如直接寫只收現金咪算囉」、「講咁多都係掠水啦😂」、「違反左八達通使條款， 可以舉報佢」。