講到掃街又點少得了深水埗？深水埗這個彈丸之地齊集各式各樣美食，可謂識食之人的尋寶地，加上深水埗的食物價廉物美，掃街多試幾間餐廳也不怕肉赤！今次大家可以食勻黑椒燒鵝、酸辣粉和海南雞飯，一定可以飽肚而歸～
1. 一鵞飯店
燒鵝就食得多，以黑胡椒調味燒製的燒鵝你試過未？這間燒味店主打黑椒燒鵝，選用頂級海南黑胡椒，黑椒燒鵝食落比普遍燒鵝更香口入味。店內還有各式燒味供應，經過附近可以買些叉燒、燒腩仔加餸～
黑椒燒鵝採用廣東三大名鵝之一的黑棕鵝，肉脂分佈平均而且肉質較嫩滑。
所有燒味都是即日燒製，店內有自設工場，但由於空間有限，一個太空爐每次只能燒十隻鵝，供應數量有限呀～
店家以自己獨特配方調製黑椒汁，有十幾種材料在入面，海南黑椒加入澳洲粗鹽粗糖等等，醃得十分入味。
黑椒燒鵝 （例牌 $100｜單併飯 $55｜雙併飯 $58）
燒鵝香口惹味。
焦糖叉燒 （$36）
在斬件後會灑上白糖，然後經過火炙，味道十分香。
包脆皮三層肉燒腩仔 （例牌單併 $48｜例牌雙併 $58｜單併飯 $40｜雙併飯 $42）
燒腩仔外皮非常香脆，蘸上芥末醬更加惹味。
三日醉香鳳珍肝 （小食 $28｜例牌單併 $48｜例牌雙併 $58｜單併飯 $40｜雙併飯 $42）
鳳珍肝酒味香濃
2. 山城小麵
麵店主打重慶地道小食，老闆娘來自四川，家人均於成都重慶開設川菜館，對於炮製川菜好有心得。
刀削麵（$26）和酸辣粉（$26）本身不跟餸菜，只配青菜和肉碎，加配滷蛋、炸醬、肥腸（豬大腸）、雞翼等配料每款加$5-$8不等。
小店有自家辣椒油調製秘方，用上約15款香料還有3種辣椒，當中包括極辣魔鬼椒，同時帶出香、辣、紅3大辣椒油的重要元素，麵食分4款辣度，辣得刺激。
燃情刀削麵（$26）
正宗酸辣粉（$26）
老麻紅油抄手 （$26／6粒）
紅糖冰粉 （$10）
冰粉可以解辣，冰粉呈啫喱狀，加上山楂乾、提子乾、糖水，酸甜醒胃。
3. 水門泰式海南雞飯專門店
深水埗西九龍中心的美食廣場有「平民飯堂」之稱，當中有間小店的海南雞飯$22起就有交易，仲送無味精清甜雞湯，啱哂長期糧尾的朋友！
小店主打海南雞飯，亦有供應海南雞飯卷。
海南雞翼飯 （$22）
價錢比連鎖快餐店套餐更實惠，每碗有3隻雞翼及去骨翼髀肉，比想像中多餸。
雞翼都頗大隻，肉質嫩滑。
海南雞飯 （$30；轉雞腿加$5）
雞件全部去骨，啖啖肉。
雞胸肉不「嚡口」，油飯份量多，有淡淡香氣。
醬汁濃味微辣，蘸少少更惹味。
特式雞飯卷 （$18）
飯卷入口味道跟海南雞飯一樣，預先加入了醬汁所以味道微辣。
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
