正在閱讀
Title
【愛回家之開心速遞】愛回家5大初戀cafe核突恐怖料理 根叔kai叔重現無骨鳳爪都市傳說

愛回家5大初戀cafe核突恐怖料理 根叔kai叔重現無骨鳳爪都市傳說

發佈: 2019.09.21
文: Amber Li

中秋節大家有冇食月餅慶祝呢?13日播出的《愛回家之開心速遞》又重提根叔用腳踩蓮蓉做出的「速熊月餅」,今年根叔更找到知音人,一齊研究不同美食的製法,睇完大家仲夠唔夠膽食呢?

「速熊月餅」兩年前登場,被一眾接龍同事大讚好食,更指月餅有淡淡海鹽味,其後才發現原來速熊月餅的蓮蓉是由根叔親自用腳踩,海鹽味來自根叔的汗味,去年根叔更將製作過程拍成宣傳廣告,令一眾同事大叫嘔心。

今年的《愛回家》中秋一集就講根叔原打算放棄製作「速熊月餅」,誰知竟然於初戀cafe遇到欣賞他手藝的kai叔,難得遇著知音人,當然要露兩手,kai叔就邀請根叔一齊製作月餅,並將自己平時的煮食手法大哂冷,今次就同大家一齊睇下除了根叔的蓮蓉月餅外,初戀cafe的食物是如何做出來啦~

 

1. 無骨鳳爪

其實去年愛回家已有一集揭露初戀cafe的無骨鳳爪是如何製作,原來是kai叔親自用口去骨,睇到都覺得嘔心。今年呢集就再次重現這個都市傳說,原來kai叔都好講「衛生」,會先刷牙漱口才開始噒骨,但其實都一樣咁核突!

 

2. 豬扒

平時解凍肉類好多人都會選擇微波爐解凍或室溫解凍,不過kai叔就教路要好好善用上天賜的身體,用腋下夾著凍肉,以人體體溫為肉解凍。根叔知道後更大讚這樣做不會令肉變壞之餘,更可以鎖住肉汁,不過大家真係唔好亂試。

 

3. 餃子

kai叔仲試範埋包餃子,以手肘壓平餃子皮,快過機整而且又薄又大小均勻。咁都未算核突,kai叔為了不浪費雞蛋,更用口水當蛋漿,用來黏實餃子包,再用口包實餃子,睇見都唔開胃。

 

4. 絲襪奶茶

初戀cafe又點止kai叔咁變態,其實早幾個月有一集愛回家已經提到初戀cafe豪仔用著過的絲襪來沖奶茶,初戀cafe真係無所不用其極!

 

呢啲咁傳統的手藝,大家又識唔識得欣賞呢?

 

圖片來源:TVB

【愛回家之開心速遞】愛回家5大初戀cafe核突恐怖料理 根叔kai叔重現無骨鳳爪都市傳說

↓↓↓【新登場!】全新U Lifestyle App ↓↓↓

免費下載 隨時隨地 睇盡最Hit飲食及生活資訊!

發表食譜

免費登記成為U Lifestyle 會員
即時接收最新資訊並盡享獨家優惠

more