text│TY
這間弄巷小店稱得上區內最紅，開店前已經排有人龍，中午時段更有機會等上 45 分鐘！食客願意花時間等，因為那朕超地道的台灣味，小店由曾任私人家廚的台灣基隆人丁爸開設，每款食物自家製造，不加味精色素，8 成食材由台灣進口，還原家鄉廟口的口味。
舖頭開在不起眼的巷弄，是區內人龍小店。
最有誠意是韭菜盒子、煎鍋貼等，麵皮全人手搓揉，不加酵母，靠老麵糰使麵皮柔軟，即點即包，外皮口感 Q 軟新鮮。必試炸臭豆腐，豆腐從台灣空運到港，滷水經兩個月時間發酵，再將板豆腐泡上 75 分鐘，做出超完美的蜂巢狀，味道夠香濃。蚵仔煎口感黏滑，蠔仔飽滿肥美，加上自家調製的蒜辣醬，同喺台灣夜市食嘅有 99% 似。店內仲有蛋餅、滷肉飯、蚵仔麵線等，因為全人手做，每日限量賣完即止。
【info】
丁爸食府
地址：牛池灣貴池徑 2 號地下 C 號舖
電話：從缺
營業時間：11am - 8pm（食物售罄會提早關門）
備註：休息日會在 Facebook 公布
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
