好掛住日本？雖然仲未開關，但一樣可以食到日本名物！來自關西嘅京都勝牛，喺2014年開店後迅即成日本Twitter熱搜榜第一位，佢哋以特調黃金比例脆漿製作各式矜貴炸物，好似吉列牛排、炸廣島蠔等擄獲唔少年輕人嘅心。而香港店就秉承咗總店嘅手藝同方針，100%呈現出外層金黃酥脆、內層鮮嫩嘅味道，即刻睇吓必食推介啦~
關西首選：極上和牛M9後腰脊 $285
M9級和牛嫩滑無筋，肉質軟腍；外層用上特調脆漿，再以190°高溫炸至酥脆，和牛上桌時仍然保持三分熟嘅完美嫩度，食客亦可再用鐵板將牛肉燒至喜愛嘅熟度，非常貼心；食時可醮上淡咖喱、海鹽或醬油，感受不同風味。配有溫泉蛋、可續加嘅麥飯、椰菜沙律及味噌湯，絕對大滿足之選！
其他風味推介：
M9和牛丼溫泉蛋 $198
師傅細心地以牛味出眾的M9和牛肩肉，用58°慢煮45分鐘，令每片和牛依然保持鮮嫩軟腍，更啖啖充滿肉汁，入口香濃，混合溫泉蛋後肉質更顯細緻，醮上以海苔水調配嘅豉油，令每口都帶嚟幸福感~
西京燒比目魚定食 $108
入口細嫩、魚油豐富的比目魚，原來早已用上西京燒汁醃製24小時，唔怪得咁入味！配上新鮮破壁嘅福井華越前米，當中滲入山梨縣押麥，令口感層次更多重，呢個價錢勁抵食！午餐限定！
京都勝牛三味套餐 $228
想一次過品嚐多款靚牛，呢款就啱晒喇！牛三味包括咗口感十足嘅翼板、肉質軟腍嘅菲力、以及鬆軟嘅薄片醬味牛，都各具特色，嗜牛人士一定大滿足！
炸廣島蠔大海老套餐 $198
估唔到廣島蠔居然可以有半隻手掌咁大！而且肉質creamy蠔味濃郁，完全做到外層香脆內層軟滑嘅效果！而大海老亦不遑多讓，單睇size已知不得了，咬落啖啖肉好爽甜，係呢度嘅必食之一！
京都勝牛
地址：銅鑼灣謝斐道535號TOWER 535地庫B01號舖 (查看地圖)
電話：2117 9195
營業時間：12nn-10pm
Facebook：kyotokatsugyu.hk
備註：另設有分店於將軍澳唐俊街23號MONTEREY Place地庫B03號舖
電話：3425 4616
於生日月內每四位客人惠顧任何正價套餐，生日之星可免費獲贈自選甜品一客(生日優惠須入座前兩天訂座，並出示身份證明文件)
資料由客戶提供
↓【限時搶⚡】Kilo Calo慢煮即食雞胸套裝！↓
↓ 雞胸經低溫慢煮烹調！/ 提供研製多時的獨特口味！↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
