來自日本的挽肉と米登陸中環IFC後,在香港掀起日式漢堡扒的熱潮!今次為大家推介同樣主打席前即燒漢堡扒的餐廳「一輪 • 和牛漢堡專門店」,位於荃灣荃新天地的日式美食街一門町市場,必食北海道直送和牛漢堡,加上半融芝士,最平$88起,還可任食珍珠米飯!去荃灣一門町掃街時別錯過啦~
👇 荃灣一輪和牛漢堡扒Menu:
一輪 和牛漢堡專門店位於荃灣荃新天地一門町市場,餐廳主打即叫即煎的和牛漢堡扒,套餐最平$88 好抵食!和牛漢堡套餐包兩份漢堡扒、半熟溫泉蛋、日式麵豉湯、沙律,還可任添珍珠米白飯,性價比高~
同場加映:【簡易廚房】最新影片
一輪 漢堡扒主要選用日本北海道十勝黑毛和牛,加上澳洲M4和牛,每份足足有100g!和牛漢堡扒共3款口味,分別是原味、芝士和香辣番茄汁。每件和牛漢堡扒都厚身大份,面層焦香微脆,肉汁豐富好juicy。
餐廳採用開放式廚房配合環繞餐桌的設計,讓客人可欣賞師傅即席燒烤漢堡扒,漢堡扒即叫即煎後會放在客人面前的鐵板上保溫,食時夠晒熱辣辣。
推介芝士汁和牛漢堡,師傅即席淋滿芝士汁,再加上即磨芝士碎,芝士味相當濃厚,好邪惡!
香辣番茄汁和牛漢堡酸甜微辣,開胃惹味。秘製番茄辣汁不算太辣,番茄味較為突出,怕辣的朋友都可放心一試。
原味漢堡扒同樣值得一試,可品嚐到和牛的原汁原味,牛味濃郁好香口。
📍 一輪 • 和牛漢堡專門店
地址:荃灣楊屋道18號荃新天地2地下一門町市場J36-38號舖
營業時間:12pm - 10pm
電話:2811 8677
授權轉載:IG@ichirin_hikiniku @eatwithmoooo_ @ourfoodstephk_ @momo.sharing23