第五波疫情持續，本港每天新增幾萬新冠肺炎確診個案。有本港90後家庭醫生Dr. Cathy LO即使打齊3針仍確診Omicron，今次醫生跟大家分享由陽轉陰的抗疫經歷，包括快速測試的準確性、Omicron症狀及病程、西醫藥物包等。
醫生分享在1月份已經打齊打3針復必泰，但仍確診新冠肺炎。
1. 快速測試（RAT） 會出現假陰性
醫生表示一開始感到喉嚨劇痛，但做了3日快速測試結果皆呈陰性。她亦同時做了深喉唾液核酸檢測，顯示病毒量高。
之後她找來不同牌子的快速測試包做檢查，發現1個是陽性，1個是微陽性，1個是陰性。
在病發初期，快速測試包對病毒的敏感度十分低，要到第4-7日才差不多100%準確。亦分享有朋友發高燒3天，快測才呈陽性。
她表示快速測試陽性可當確診，但測到陰性都有機會已中招，同時要留意快測包的質素和使用方法。醫生建議如有感冒病徵，應自行隔離，每天做快測，若不放心，就去做深喉唾液核酸測試 。
2. 患上Omicron的病程
醫生打齊3針，無發燒，但喉嚨痛足7天，頭4天最痛如刀割。「喉嚨痛痛左連埋今日係第7日 ，開頭四日係最痛，痛到好似比刀割咁，要round the clock 咁食喉糖同止痛藥，半夜係會痛醒，呢三日就變左吞口水先痛，咁大個女都無試過喉嚨痛咁耐。」
到第2、3天出現骨痛、全身乏力。第4，5日開始流鼻水和咳嗽，可靠藥物控制。
她表示有朋友只打2針，連續3日發高燒，「我身邊有朋友淨係打左兩針，過左六個月未打第三針就連續發高燒，燒左三日食panadol 最高劑量都唔退，第四日先退燒。」
而家人打了3針，病情並不嚴重。「我屋企人就反而無我咁病，勁精神 ，一個打晒三針又係smoker，係得兩聲咳。。。。」
她說病徵似重感冒，可服用藥物舒緩症狀，亦可考慮打第3針。
3. 藥物包自救
她指出Omicron似重感冒，自己會服用開給病人的感冒藥，並表示以下建議只適用於無長期病、健康的成人，如果有長期病患、藥物敏感，請查詢自己的家庭醫生。
藥物包如下：
- 止痛退燒藥可以揀paracetamol 500mg 每四個鐘一次
- 如果都退唔到可以加埋一隻消炎止痛退燒藥 ，可以揀 ibuprofen 200mg 每六個鐘一次； 由於消炎止痛退燒藥有機會傷胃，所以如果有試過胃潰瘍/胃出血既人士應盡量避免，同埋我一般會飽肚食，加埋胃藥 famotadine 20mg 早晚一次就最穩陣
- 喉糖 ！！好重要，因為真心辛苦。屋企人最鍾意食DIFFLAM，食完個喉嚨會痺痺地
- 收鼻水藥： Loratadine 10mg 一日一次 （唔眼瞓配方）； chlorpheniramine 4mg 一日三次（眼瞓配方）
- 咳水 ：benadryl 10ml 一日三次（眼瞓配方）；phensedyl 10ml 一日三次（眼瞓配方）； actifed-co 10ml 一日三次（唔眼瞓配方） /其他自己買到既咳水
4. 何時需到急症室？
她指出若出現氣促氣喘、愈來愈無反應、昏迷，要即時到急症室做進一步診斷。
如果病徵輕微，建議大家在家自救，留在家中，把急症室留給有需要的人。
5. 建議打針
而無打針的人應盡快去打針，尤其是老人家。60歲以上又有長期病非常高危，死亡機會可以高達20% ，年紀愈大，風險愈高 ，對高危群組來說這並非重感冒般簡單。
6. 3招在逆境中保持精神健康
醫生指出港人怕中招或傳染給其他人，心理壓力大，推介3個有效方法改善精神健康。
- 每日10-20 分鐘冥想（meditation） ：好多研究已經顯示meditation 有效減低焦慮同對抗抑鬱。我就用呢十幾分鐘既時候照顧返自己既內心，聆聽返自己身體同心靈既需要，已經做左大半年啦！
如果真係無時間，做一分鐘五下深呼吸已經好有用。吸氣五下，呼氣五下，雙手放係肚臍上面，感受下肚皮隨着呼吸嘅起伏，我成日都同啲病人喺診症室入面教佢地做，做完1分鐘到舒服好多！
- 做運動：唔洗講大家都知帶氧運動係可以有效減低焦慮同對抗抑鬱，擔心疫情唔想出街，其實上youtube都可以搵到好多home exercise ga既選擇。
- 寫感恩日記： 每日諗下有啲咩值得感恩 ，寫低佢就會發現原來好多野自己都忽略左，有既係唔覺得咁重要，到無左先發現。例子一就係健康啦～今次病左真心覺得健康係好重要，感恩可以有精神打咁多野同大家分享！
最後醫生以此作結，鼓勵大家自強不息。「係呢（個）世紀大疫症，全世界人都同我地一樣經歷緊差唔多既野，好多人會有好多唔同既感受同唔同程度既焦慮，但你絕對唔係孤獨面對嫁，我哋一班醫護人員會同你一齊渡過呢個難關 ！香港人喎，獅子山精神，自強不息！」
如果有任何疑問，請向自己的家庭醫生查詢，資料只作公眾教育用途，不構成個人醫療意見。
家庭醫生Dr. Cathy LO
授權轉載：fb@Dr C&C - 90後女醫生教室、ig@dr.cathylo
同場加映：燈籠滷味推出6款外賣包！包翻熱即食／$78試勻9款滷味
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
