荃灣老字號「民豐粉麵行」的招牌爆餡糯米糍深受街坊歡迎，最平$6粒好抵食～荃灣民豐粉麵行的糯米糍除了有手炒花生、芝麻、豆沙餡外，還會快閃限量供應開心果味！另外香煎韭菜餅、水餃、生湯丸等亦是熱賣之選呢～
爆餡糯米糍口味+價錢：
同場加映：U Food【開箱速遞】最新影片！
老字號「民豐粉麵行」扎根荃灣60多年，每日店內人龍絡繹不絕，主打招牌爆餡糯米糍，韭菜餅、生餃子和湯丸同樣深受街坊歡迎。
開心果糯米滋限量發售詳情：
民豐粉麵行早前在荃灣元宵市集首度推出市集限定的開心果糯米滋，反應相當熱烈，不少朋友都表示想再有機會食到~今次民豐粉麵行快閃再推出開心果糯米滋、榛子糯米滋、腰果糯米糍，由於小店目前的設備和人手暫時未足以把新系列當作恆常產品推出，想食的朋友要把握機會試啦！
民豐粉麵行糯米糍有三款固定供應口味，包括芝麻、花生、豆沙（$6／粒），小店每日清晨就開始製作糯米皮，堅持以人手炒香芝麻和花生，磨碎後混合砂糖，食落有起沙的感覺～
糯米糍飽滿大粒，外皮煙韌軟熟，咬開超爆餡，餡料澎湃多到滿瀉！花生糯米糍味道像糖不甩，芝麻餡亦好香口，而豆沙餡香甜細滑，還食到粒粒紅豆碎。
小店的韭菜肉餅（$15）都是必試名物，每日下午2pm起供應，假日更日賣過百件！韭菜餅包滿韭菜豬肉餡，即叫即煎至金黃色，外層香脆，一咬爆汁，韭菜香味突出夠惹味，值得一試～
早餐不妨買個熱辣辣粢飯（$18），新鮮即製，包滿肉鬆、榨菜和油炸鬼，口感豐富，夠晒飽肚。
民豐粉麵行的自家製生餃子、雲吞價廉物美，有韭菜、白菜、冬菇豬肉餡，全部都是人手包，而韭菜豬肉餃更是人手搓餡，誠意十足。雲吞皮薄滑溜餡靚，而餃子以北方風格製作，相對厚皮且有咬口，帶點煙韌口感，各有特色。
小店的自家製麵餅同樣有不少捧場客，當中瑤柱蝦子麵落足料，高湯不加水再混合瑤柱製成麵糰，可選幼麵或粗麵。
民豐粉麵行
地址：荃灣荃灣街市街35號
營業時間：8:30am - 10pm
電話：2492 6860
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
