OUTDARK最初在韓國只是做外賣生意，好彩老闆 Robin 諗頭多，諗到聘請外國男生來送炸雞上門，夠晒 gimmick，炸雞店愈做愈紅，最後更衝出釜山，開到首爾、大邱、蔚山等，至今全韓國已經有 26 間分店。
香港是首間海外分店，裝修同 menu 都跟足韓國店，木色主調，加上如酒吧般的昏暗燈光，感覺比一般炸雞店潮得多。最特別的是店內放置了小郵筒一個，客人可以寫封「給自己的信」再投入郵筒，一年後餐廳就會寄到府上。而韓國無嘅，就係門口的「情人鎖鐵網」，客人可以買把鎖寫上自己同情人個名，鎖在鐵網上，有部分鎖更係Robin 在韓國南山塔親自買返嚟，可以扮吓千頌伊、都敏俊寫返個「情人鎖」，緊緊箍實情人！
餐廳以炸雞起家，炸雞當然就係招牌，6 款口味有原味、醬油、甜辣、辛辣、蒜味及咖喱，不止醬料從韓國工場運來，連炸雞爐都是同韓國店一式一樣，依足韓國本店做法。原味炸雞好普遍，所以老闆就設計了 4 款醬汁，包括醬油、芥辣、甜辣醬和辛辣醬，甜鹹辣各有風味。
這裡 的 side dish 同樣係亮點，炸雞本身配有薯條，客人亦可額外加 $28 配火炙年糕串或粟米野菜沙律，成串年糕放在炸雞上，食法比平時的炸雞過癮得多。韓國店只賣炸雞，但香港店就有更多選擇，如飯麵類、MARI（韓國飯捲）、煎餅等，仲有而家哈韓族熱捧的芝士肋骨，雖然聽起來同坊間韓國餐廳選擇差不多，但老闆每款食物都有加自己的創意諗頭，如芝士肋骨就在芝士以外，另加 4 款配料，包括蛋漿、芝士粟米、薯蓉、小食，一個價錢食到 6 款食物，抵！
OUTDARK
地址：尖沙咀厚福街 8 號 H8 大廈 17 樓全層
電話：2722 0831
營業時間：11:30am-3pm、6pm-12mn
收費：現金及信用卡，設加一
交通：港鐵尖沙咀站 B2 出口
泊車：附近咪錶位
平均消費：$250
想睇更多？即到 新餐廳 特集！
