為朋友做菜
由於 May 姐人緣甚廣，加上一手好煮藝，總吸引身邊朋友嚷着來家作客。為了不會重複 menu，從前她會寫下朋友喜好，每次設計不同菜單，更會細心到朋友來時先飲吓酒、配點小食如芝士、煙燻蠔等，待齊人上菜，以五小碟、六小碟作頭盤，主菜雞、魚、肉菜樣樣齊，如鮑魚鵝掌、焗蟹蓋，湯會在流程中間出現。甜品嘛，May 姐對小時候的蛋糕、曲奇有點情意結，其 Crunch Cake 受各方追棒，當中包括好友蘇施黃，更為她開餅店注入強心針。為朋友做菜，那麼至愛老公呢？「佢好簡單，最愛就係煎鹹魚、粉絲煎蝦米。」May 姐說。
May 姐認為烹飪技巧好，都要有工具幫助，如買煲就會用 Fissler，貪鋼水好、夠存氣，這樣煲湯先好味。氣壓煲就由本來需要 2 個鐘炆煮的菜式，現只需幾十分鐘，方便好多。「我覺得雪櫃好重要，重要過沙煲罈罉。」May 姐指。因為雪櫃要為她保存好多調校好的醬料、凍櫃要存放好鮑魚、花膠、蠔豉、馬友，保鮮好緊要。如廚房可以多些工作空間自然好，可以一邊煮、一邊切，保持乾淨衛生一樣好緊要。
集大成滋味
朋友是相向的，知 May 姐愛烹飪，如一道拿手的洋葱炆牛肋骨，用的是現美國才有售的洋葱罐頭湯，朋友林嘉華每當回港都會從美國買幾罐回來，令她覺得很窩心。
收料亦是烹飪書外得到的人肉情報，好像 May 姐的家常菜炸蝦餅，就叫大家加西洋菜，可以令蝦餅更香，而配蝦餅食的醬汁，原來是由於明星嘉玲長居泰國，好友狄波拉又是泰國通，May 姐將這醬注入兩者喜好再加入個人味道，特別加入么鳳買來的花生糖搗碎成粒粒，令醬汁較香口又有些甜，還有芫茜莖，糖要用上蔗糖，味更濃不會太辣，可存放約一個月。至於另一心水菜式香酥排骨，就建議我們用帶肥肉排，仲一定要加入泰國蝦醬來煮，味道先至最夾。
估唔到 May 姐也是環保主義者，如出街食飯食剩雞塊，便會 pack 回家去皮去骨再切粒，加些西芹粒再拌入蛋黃醬做三文治，不知幾美味；遇上是蝦蟹，就加入牛油果，拌以咖喱粉、蛋黃醬做三文治；剩魚嘛，就去骨走豉油，用布袋袋好煲粥，好滋味、不浪費，惜物惜緣。
(原文摘自《U Magazine》文：飛、圖：程佩媚、邱鴻基、林霖、關耀祥、Joey、sky)
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
