天水圍唔再係美食沙漠，好多四正食肆開業，好似呢間茶記咁，屋邨茶記的價錢，裝修食物卻有中環靚裝茶記嘅水準。如果你住公共屋邨，可能會過百份百，呢間係佢哋 2017 年嘅 2.0 版本，以懷舊鐡皮檔茶記做主題，仲做多咗樣連上巿茶記都無嘅貼心舉動，就係店內的枱凳牆身，都用上回收得來的木箱和卡板 upcycle 改裝而成，仲回收埋茶罐飲品罐做裝飾，好有意義。
食物都唔係大路貨色，有唔少心思位。坊間茶記的銀芽肉絲炒麵，都唔係脆麵嚟嘅，但呢度做得好有心，脆麵即叫即炸再摷散摷鬆，堆到成座山咁高，入口超脆；人見人愛仲有大家勁鍾意嘅阿華田茶餐，多士配家阿華田醬，仲會配加了朱古力脆米嘅濃郁阿華田。其他必吃嘢有大男人先吃得晒嘅巨形鐵板餐，由 2 塊扒、薯條、炒飯、雞蛋、湯及飲品組成，好誇㗎；另外，餐廳攞獎咖喱牛腩湯伊麵、足料燉湯、方塊西多士及麻辣酸湯米綫都係招牌。
犀飛利銀芽肉絲炒脆麵 $50 平日、$51 假日
麵條跟古法拿去炸，炸好仲要趁未定形時立刻摷鬆，得麵條不會黏在一起，保持鬆脆，脆麵有睇頭，足足 6、7 吋高，麵與銀芽肉絲分開上，好細心。
阿華田奇脆茶餐 $26
阿華田 fans 一定要叫，以紅紅哋阿華田醬配多士，配阿華田奇脆特飲。
鐵板美式雜扒 $69 平日、$70 假日（連餐湯及飲品）
大得太誇張，雞扒、豬扒、腸仔各 1 件，另外配了一隻半煎半焗的「溫泉流心蛋」，蛋白口感凝固一點，但中間仍然流心，可以揀炒飯或墨魚飯，黑椒或蒜汁，黑椒汁辣得過癮。
立頓奶茶（跟餐）
這裏的奶茶全用 Lipton 茶葉炮製，茶味香醇。
四川麻辣牛肉炒飯 $50 平日、$51 假日
即叫即炒，以四川辣椒及牛鬆炒成，幾有鑊氣，仲幾辣添。
天花放了架以前茶記送外用的國產單車點綴。
店內有不少以懷舊可樂照片做裝飾。
百份百餐廳
地址：天水圍天瑞路天澤商場地下 9 號舖
電話：2420 9100
營業時間：7am – 10pm
原文刊載自U Magazine
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
