召集榴槤控!位於尖沙咀海港城的馬來西亞菜餐廳「Auntie MALAY 安娣瑪萊」新推出一系列榴槤甜品和特飲,來自馬來西亞的主廚特意從家鄉嚴選水果之王D24榴槤、貓山王榴槤,炮製榴槤雪糕等多款榴槤甜品,愛食榴槤的甜品控別錯過啊~
👇 榴槤甜品價錢+Menu:
同場加映:【識食攻略】最新影片
海景餐廳安娣瑪萊Auntie MALAY 位於尖沙咀海港城,主打精緻馬來西亞菜,最近餐廳全新呈獻榴槤甜品盛宴,推介榴槤椰子奶凍伴榴槤雪糕、椰子脆脆,以香甜D24榴槤雪糕配自家製椰子奶凍,果香四溢。爆漿榴槤咖椰多士伴榴槤雪糕烘至金黃酥脆,夾滿混入貓山王榴槤茸的咖椰醬,榴槤味齒頰留香。至於榴槤朱古力布朗尼伴榴槤雪糕、榴槤茸層次豐富,香醇朱古力Brownie 加上香滑D24榴槤雪糕和貓山王榴槤茸,入口啖啖榴槤香。
榴槤特飲方面必試榴槤椰糖沙冰,結合香濃貓山王榴槤茸和馬六甲椰糖,保留絲絲榴槤果香的同時多了一份忌廉奶香;而榴槤班蘭紅豆冰賣相啱晒打卡,層層相間加入綿滑紅豆茸、鮮製椰奶沙冰、清新班蘭汁、D24榴槤雪糕。
Auntie MALAY 安娣瑪萊
地址:尖沙咀廣東道3-27號海港城海運大廈地下G16號舖
營業時間:星期一至日 11:30am - 10pm(L.O. 9pm)
電話:2110 3533