負責統領龍景軒廚師隊伍的，是本地中菜界大師級人馬、入廚30多年的陳恩德師傅（德哥）。德哥回應餐廳獲獎說：「多謝大家的支持，也多謝各位夥計，因為廚房中每個人都有份出一分力。」
他對獲此榮譽本來並不知情：「有天那本書的主編來吃飯，拿着書跟我說：『你們被選為本地Top Food食肆，我從未嘗過，所以來吃個飯。』」
至今已創作出好幾千道菜式的德哥，是傳統紅褲子出身：「我讀得書少，中文、英文都可以，但計數最差。我要養家，於是13歲小學畢業就搵嘢做，做過兩個月賣點心，後來聽講大三元（已於20年前結業）季請人，當時做廚房人工高，所以就入咗行。」
之後德哥轉換了幾間中菜酒家，現存的只有尖沙咀的福臨門。直至尖沙咀麗晶酒店（現稱洲際酒店）開業，他便加入中菜廳麗晶軒，離開前，他已晉升至行政總廚。「我做麗晶軒的時候，每個月都轉菜牌，每個月要交20個菜，包括1個湯、15個餸、1個粉麵、1個飯、1個糖水、1個糕餅；小菜的主要食材唔可以重複。當時都係迫迫吓迫出來，都習慣咗；有時候，加多減少又變成另一道菜。」
德哥直言公司、家裏都沒有烹飪書，更不會去其他食肆試菜：「你去人哋度食，見到人哋係咁做，會有先入為主嘅影響，俾人牽住鼻子走。我反而自己無時無刻會諗吓，或者大家同事一齊研究，都度到好多新餸出嚟，話晒自己做咗咁多年。」
龍景軒
地址：中環四季酒店4樓
電話：3196 8880
（原文摘自《經濟日報》 文：陸悅 圖：曾耀輝）
